Sesongavslutning og koftedag i Bakketunet

Bakketunet på Bjørke avsluttar sommersesongen med koftedag. Det freda gardstunet inst i Hjørundfjorden har denne sommaren hatt Kunst, strikk og byggeskikk som overskrift. Denne siste opne søndagen i sommar inviterer Hjørundfjordstrikk gjestar til å besøke tunet i sitt finaste koftestrikk. 

Hjørundfjordstrikk blei etablert i mai 2020 med mål om å skape nytt strikkedesign med rot og inspirasjon i Hjørundfjorden. Sidan oppstarten har strikkebedrifta formidla historier og kulturarv gjennom nye strikkedesign, og har nådd både nasjonalt og internasjonalt med satsinga si. Denne søndagen i Bakketunet er det ekstra gode tilbod i strikkebutikken. Utstillinga i det gamle kufjøset med Håvard Vikhagen er framleis å sjå. 

Foto: Bia og Arthur Halvorsen var fine i koftene sine. Bilete er frå 1960 - talet og geografiske kofter var ein slager. Hjørundfjordstrikk har sørga for at fleire bygder har fått eigne geografiske design, og med det kan setje bygd og fjord på kartet med eige koftedesign!