HORNINDALGENSER I FRISKE FARGAR
Publisert:
06/03/23
oppdatert:
21/03/23
Då vi lanserte Triokoftene, dei tre koftedesigna frå bygdene Hornindal, Bjørke og Sæbø, fekk vi spørsmål om det ville kome ein Hornindalgenser. Så langt hadde vi ikkje tenkt, men ideen om ein eigen Hornindalgenser blei med det planta!
Hornindalgenseren er eit nytt design frå Hjørundfjordstrikk, og fortel om kultur- og handverkstradisjonar i Hornindalen. Dessutan tek genseren med seg ein sterk fargesymbolikk.
Mønsterrapportane er dei same som i Hornindalkofta, der rapportane på bringa er inspirert av dei vakre brudekrunene frå Hornindalen. Spissane i mønsterrapporten over blant anna vrangbord på erm, gir kanskje assosiasjoner til to ljåblad som møtast i en spiss. I 1900 var halvparten av alle vaksne menn der ljåsmeder, og "Honndals-ljåar" var ei kjend handelsvare. Honndølar er godt kjent for sitt framifrå handverk, med billedhuggaren Anders Svor som den mest anerkjente kunstnaren.
Raftevoldkruna har vore ei stor inspirasjonskjelde i arbeidet med eit eige geografisk design frå Hornindal. Tradisjonelt høyrer brudekruna til i bondesamfunnet, og blei brukt saman med bunad og bringesmykke. Å bere brudekrune på bryllupsdagen var eit teikn på reinheit.
Til alle tider har kvinner bere hovudplagg, anten av praktisk, estetisk eller symbolske årsaker.
Hornindalgenseren kjem også i denne fargevarianten.
