NA

BAKKETUNET

Produsent

click show
  • Loading

Med Bakketunet som fødestad og base

Hjørundfjordstrikk AS blei etablert i 2020 med Bakketunet på Bjørke som sin fødestad. Bakgrunnen for satsinga var å gi ut eit geografisk strikkedesign tilhøyrande Hjørundfjorden.

Hjørundfjordgenseren blei lansert i september 2020 og står stødig mellom mylderet av strikkedesign, og har sidan dag ein nådd ut til eit stort nasjonalt publikum.

Sommaren 2022 blei Hjørundfjordstrikk litt internasjonal. Dei første gjestane frå Hurtigruten besøkte tunet og handla med seg både ferdigstrikk og garnpakkar.

I løpet av siste halvdel av 2022 lanserer vi nettstaden på engelsk, og med det opnar opp for salg til utlandet. 

 

Kreativ galskap: Marita Bett Aakre er drivar av Bakketunet og Hjørundfjordstrikk. Fiskarbonden er hennar store førebilete der fleirsyssleri var avgjerande for å halde hjula i gang. Drifta av den gamle garden har tatt fått eit nytt innhald: Dyrehaldet er bytta ut med kunst - og kulturformidling. Hjørundfjordstrikk har derfor blitt ein supplerande formidlingskanal for dette arbeidet. Aakre har fått både kulturpris frå Ørsta kommune og Formidlarstipend frå Norsk kulturminnefond for arbeidet ho har lagt ned i det freda gardstunet, som er hennar morsarv. 

 

Besøk Bakketunet

I Bakketunet har vi i sommarhalvåret strikkebutikk med Hjørundfjordstrikk sine produkt. 

Tunet byr ikkje berre på strikkebutikk, alle dei seks bygningane i tunet innheld kunst- og handverksutstillingar. 

Individuelt besøkande

Vi har strikkebutikk i Bakketunet som har ope søndagar kl. 12 - 17 i sommarhalvåret. Då tek vi imot individuelt besøkande. 

Utan om opningstidene er det viktig at du gjer ei avtale om besøk. Om du vil hente ein garnpakke utan om opningstida, er det berre å ta kontakt. 

Gruppebesøk

Er du med i eit husflidlag eller ein annan organisasjon som har interesse for kulturarv, er Bakketunet absolutt verdt eit besøk!  Ver tidleg ute med å bestille besøk for sommaren 2023. 

Du når oss lettast ved å ringe (+47) 91 10 88 46 eller skrive e-post til maritabett@hjorundfjordstrikk.no  

 

 

Bilete frå Makeløs sin catwalk i Bakketunet 2020.  

Hjørundfjordstrikk har kontor og lager på Bjørke. Nettbutikk kombinert med drift av Bakketunet gir sysselsetting for fleire. Sverre Fehn har teikna disken som garnpakkane blir pakka på, og frå bygda inst i Hjørundfjorden bli dei sendt vidare ut i verda.  Alle desinga frå Hjørundfjordstrikk er inspirert av natur eller kulturarv frå fjorden. 

Vare ikke funnet

Filter

Vis resultater
chat

Chat med oss

x